طريقة ازاله الشعر بالشمع ...


خذي شوي من الشمع وحطيه في وعاء ثم في حمام مائي إلى ان يصير دااااافي ..

وندخل عود خشب (مثل اعواد الايسكريم ) نغمس العود في الشمــع بعدين ندهن المكان اللي نبي نشيل الشعر منه
ثم نغطي الشمع بقطعة القماش ونضغط شوي شوي على القماش
ثم نشيل القماش بعكس اتجاه الشعر وبحركه سـريعه . يعني نفس طريقة الحلاووة .. الا انك لازم يكون الشمع دافي

وفيه شمع جاهز بقطعه بلاستك من فيت ، تجي علبه فيها على ما اظن 8 قطع بلاستك
وتكون الورقه مثنيه بالنص ،، تفتحين الورقه البلاستيكيه تليقين جواتها الشمع ،،مدهون فيها
ثم تلصقين الورقه على جسمك وترصصينها بيديــنك علشان تمسك الشعر زين
ثم بسرررعه شيلي الشعر ،،
ثم سكري الورقه ، وافتحيها ثاني ، ثم لصقيها في الجلد وشيلي .. اتوقع مرتين ثلاث مرات وبس ما تستخدم اكثر من كذا على حسب كثافة الشعر وطوله ..
بـ امانه بابنات مره جربتها للشعر في ذراعي ، عارفين الشعر الصغااااار (الزغب ) والله انها شالته .


طيب يمكن تقولون وش الفرق بين الحلاوة والشمع

اولا .. الفرق بـ المكونات .
ثانيا .. الشمع ما يمــسك الجلد .. بس بالشعر .. يعني اللي يخافون ان الجلد يترهل بسبب شد الحلاوة . افضل يستخدمون الشمع لانه مثل ماقلت لكم مايسمك بالجلـد



اخــتي سألت اخصائي البشرة وش افضل الحلاوة او الشمع ..

قال : الحلاوة نعرف مقاديرها وان شاء الله مافيها اضرارا للبشرة .. بس الشمع . مانعرف مكوناته .. والافضل بعدي عنه لا تحطين على وجهك اشياء ماتدرين وش اساسها .